Arzourien

An arzourez a ginklo gwern an INGÉNUE gant ur pavilhon "blev melen" en enor da merc'hed Venezia ha gant banniel kozh Breizh : ar groaz du, evit ober ul liamm etre Venezia ha Breizh.

Ganet e Brest e 1976, Morgane Tschiember a vev hag a labour e Pariz. Diplomet EESAB (Kemper) ha Ensba Pariz (2002), tapet he deus ar Prizi Yaouank Krouiñ / Espace Paul Ricard (2001).

Bag Joachim Monvoisin, L'ingénue, a zougo livioù Breizh, kinklet gant bannieloù Morgane Tschiember hag artefajoù graet gant an arzour-bageer. Un oberenn arzel war vor, ha bourzh ur vag 'lec'h ma c'heller ezkemm tro-dro d'ur banne spritz pe chistr.

Joachim Monvoisin a zo arzour plastik, skulptour, livour, filmaozer… Hiziv e sav un vag evit ober kemen tra d'an hevelep tro, dindan harz an emgavioù hag an aveloù. Diplomet Skol-sonkadurezh Kemper e 2010, bevañ ha labourat a ra e Roazhon, kelenner e Skol-sonkadurezh Sant-Brieg eo, ha bet eo ivez kendiazezer Supra, ul lec'h emgav evit arzourien e-kichen Roazhon.

SONNEURS a zo ur strollad gant pevar soner a implij binviji hengounel Breizh en ur mod nevez.

Erwan Keravec a zo soner biniou bro Skoz. Krouiñ ar ra sonerezh a-vremañ gant binviji kozh, o vezañ awennet gant ar free jazz, an noise...

E 2002 en eus lakaet ur bagad da senniñ In C eus Terry Riley. Adkemmeret en deus ivez sonerezh Philip Glass.